AULOEDI

AULOEDI

elegias olim modis temperatas canebant. Plut. de Music. εν ἀρχῇ ἐλεγεῖα μεμελοπονημένα οἱ Αὐλῳδοὶ ἦδοῃ: quemadmodum et in Comoediis cantica auctor ipse vel Poeta componebat, modos autem adhibebat aliquis Musicae artis peritus etc. Dicebantur autem istiusmodi cantica seu carmina Νόμοι, erantque in honorem Deorum alicuius composita et modis Musicis instituta. Constabant porro versibus, et Poetas auctores habebant, uti pluribus docet Salmas. mas. ad Capitolin. in Antonino Pio. c. 7. Pro. Auloedus, apud Capellam Aulidus legitur: Nec mora, et ecce quaedam suavitas intentata aulidaeque dulcedinis cantus ac melodiae ultra cuncta rerum oblectamina recinentes. Et alibi, Isciadas quis nesciat expelli aulidâ suavitate? de qua scribendi ratione consule eundem, ad spartian. in Adriano Caes. c. 26.